Popular Bible Verses from VAEFESO 2

Share

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye. Sigaveeye kigira vikolwa vienyu aveene kunangwa mundu ku woosi avuli kwiyizominya mba.

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero; ndi lwa kwaali avakuzu mu Roho kigira mahiolo giitu, yakokola kove mwoyo harara na Kristo. Gaveeye ku zimbavasi zia Nyasaye ndi munyi muhonyiywi.

Mu lihambanywa lietu harara na Kristo Yeso, Nyasaye yakusimugukiza kutura mu likuza lia Roho harara na Kristo, kunangwa muduuki kwamiiha naye mwigulu.

Kunangwa, munyi vandu vizihiiri simuveeye avageni anoho avandu avichova, kandi mba. Munyi muveeye vandu vihiiri ndala harara na avandu va Nyasaye kandi avinyumba ya Nyasaye. Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.