Popular Bible Verses from LIZULIZA 8

Share

Mwizurizi ndi Yahova Nyasaye winyu niyie umuhezaa zinguru ziukuva avatugi. Akolaa ndio kigira akikiri vuzwa musuuvirifu kalunu ku lilagana lia yalomba na avaguuga vinyu.

Yamukola muve ninzara, ma kandi naamuliihiza imaana, chukulia cha munyi anoho avaguuga vinyu, vavura kulia ku maziambiri. Yakola yaga kumwigiza ndi mundu sianyala kuva mwoyo kigira chukulia chieng'ine mba, navuzwa ku likuva lilala litulaa ku Yahova.

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.

“Muhenze vulahi kase mulivilira Yahova Nyasaye winyu; mutivilira kuhulira malago geege, agamuheezaa kalunu mba.

Mwizurizi ndi Yahova Nyasaye winyu alungikizaa kandi ahaanaa mageri ku munyi kuli ahaanaa ku avana veve mageri.

Mulava ni viukulia viosi via mwenya kulia kandi mulahaana lisandiza ku Yahova Nyasaye kigira kivala kenoru kandi kigunamu cha amali kumuha.

Kunangwa, mulindi malago ga Yahova Nyasaye winyu, kandi mumenye kolondekana na malago geege.

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

Lwa muva nimuveeye niviukulia viosi viamwenyaa kulia, kandi nimumali kwumbaka zinyumba zindahi mumenye mu, kandi lwi iviayo vie zing'ombe na magondi, ifeza ni zahabu yinyu, kandi miandu jinyu ni jimali komeedeka, maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

Yahova Nyasaye winyu amuhilaa mu kivala kenoru kandi kigunamu kivala chi migera kandi visinukiru via mazi, nividaho, visinukaa mu mavoona kandi mu vigulu, kivala chamaa ingano ni shairi, mazabibu, makuyu, maguta ga mizeituni kandi uvwuki. Mu kivala yicho, simulava ninzara anoho lienya kindu choosi mba. Amagina gacho gaveeye mu nikivia, kandi kutura mu vigulu viacho, vatuliza mu mugasa.

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Zinguvu zienyu siziakunguha kandi virenge vienyu siviaviimba ku ing'inga yi mihiga arubaini yiji mba.

Yamwimilira kuvitira muchangalangwe kenene kandi chukutiihiza, mwizinzoka ni izing'e ziuvusungu vululu ziali. Mu kivala chumu gada, kandi ikitaveeye mu na mazi, yalomba amazi nigidoloka kutura mu lwanda ludinyu kigira munyi.