Popular Bible Verses from LIZULIZA 7

Share

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.

Mukore ndio kigira muveeye vandu va Yahova Nyasaye winyu. Kutura mu vandu vosi vilirova, Yahova Nyasaye winyu yamutovola muve avandu veve avadukiru kuvita avandu vandi.

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

“Yahova siyayaanza munyi kandi siyatovola munyi kigira mwavita avandu vi zihiiri zindi novunyingi mba. Nitali mwaali ihiiri engekeeke ligali ku lirova.

Mulagasizwa mu vutugi kuvita avandu vandi vosi. Sihalava ho numundu anoho mitugu jivula kwivura kali hakuzu mba.