Popular Bible Verses from VAKOLOSAI 1

Share

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze

muye Nyasaye yalomba vindu viosi, viu mwigulu kandi via hasi ivilolekaa ni vitalolekaa, harara ne, zinguru zio vwami vwa roho, avanene, avamihi nu vunyali. Nyasaye yalomba ligulu liosi kuvitira muye kandi kigira ye.

Kristo yaali ho imbiri wi vindu viosi, kandi mu lihambanywa harara naye, ivindu viosi viveeye mu vwiyangu vwavio vulahi.

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa. Maku mulamenya mu liiva liu Mwami yenya kandi mulakola ikiyaanzizaa umwami kazozo. Mu limenya lienyu liosi mulakola zing'ano ziosi zie vikolwa vilahi, kandi mulaviruka mu limanya Nyasaye.