Popular Bible Verses from 1 Vakorintho 15

Share

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

navutswa Nyasaye a santidzwe u ku hedzanga liguuta kigira Yesu Kristo Mwami wetu.

M u ta gadwa mba: Ubu hambani ubudamano bwononnyanga miima milahi.

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

Ive likudza, liguuta lilyo li veye haliha? Ive kihadisi, ulusere lulwo lu veye haliha? Ulusere lwelikudza lu veye ubwoni; netsingulu tsyobwoni tsi veye lilaga

Henzi, mbolera mwinye inkuva i viseywi: Kwinye si ku la gona vosi, navutswa ku la giru nkanywa vosi, nonoho, kuli li vunavuna lyemoni, lwa ki li kupwa kisiliva kyekiheri: kigira kisiliva ki langirira, navakudzu va la simugukidzwa va ta li nobwoneku, na kwinye ku la girunkanywa.

Kunangwa kigira likudza lya dukira ku mundu, kandi lisimuguka lyavakudzu lya dukira ku mundu. Kigira kuli vosi va kudzira mu Adamu, kandi ndiyo mu Kristo vosi va la kolwa kuva mwoyo.

Kigira ga dukira ubwoneku yibu bu vikwe ubu ta li tlbwoneku, kandi lihambana nelikudza li vikwe livula kukudza

Kigira ga mu dukira yamehe a luhe a duke kuvika avasigu veve vosi isi wetsinduvatiru tsitsye. Musigu muheriridzi wokuheridzwa a veye likudza.