Popular Bible Verses from RUM 12

Share

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

Aghapkala Tuhan ngan riang. Amun adau penanggungan, ngalighla ngan maju bedu'a.

Jangan endak dikalaka ngan setu diau ja'at, anyautu kalakala keja'atan ngan keilu'an.

Kamu mesti sangi sayangi luak jemau duau beghading, simbang-cepat sangi regaui.

Jangan cak nyayangi. Luatka diau ja'at, kerjaukala diau iluak.

Kamu mesti beusaha idup damai ngan gegalau jemau.

Kantin-kantinku diau kusayangi, jangan kamu ndendam. Nengkela Allah diau ngukum, karnau di Injil ditulis, “Allah bekatau, ‘Akula diau mbalas, Akula diau ngukumau.’ ”

Rajinla bekerjau, jangan malas. Bekerjaula batan endak Tuhan ngan riang jak di Rua Allah.

Allah la ngenjuakka pengertian ngan aku, mangku aku ngici'i gegalau kamu, jangan nganggap diri kamu lebia jak di sebenaghau. Anyautu kamu mesti merupuakka diri kamu ngan ngensian, bilang ughang nurut kesanggupan percayau diau dienjuakka Allah ngan kamu.

Jangan balaska ja'at ngan ja'at. Kerjaukala diau dianggap gegalau jemau iluak.

Suijauanla sughang ngan diau lain. Jangan geduak. Terimaula pulau jemau diau nidau diregaui. Jangan anggap diri kamu pintar.

Anyautu amun musua kamu lapagh, enju'i diau makan. Amun diau aus, enju'i diau minum. Ngan carau luak itu diau ka maluan.

Mintak ngan Allah setu diau iluak batan endak jemau diau meluatka kamu, du'akala, jangan didawaika. Riangla ngan jemau diau riang, nangisla ngan jemau diau nangis.

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

Badan kitau banyak dandanan. Bilang dandanan lain gunaunyau. Luak itu pulau kitau. Empuak banyak, kitau cuman sutiak badan karnau seghundak ngan Keristus. Mangku bilang kitau dandananNyau luak dandanan sutiak badan.