Popular Bible Verses from RUM 11

Share

Gegalaunyau dijadika Allah, asalau jak di Allah, batan endak Allah. Allah diagungka selelamaunyau Amin.

Alaka kayau nian ngan bepengertian nian Allah ngan ngeruani gegalaunyau. Nidau sughang kiala pacak ngeruani rencanauNyau. Nidau sughang kiala pacak ngeruani carauNyau.

Di Injil ditulis, “Sapau diau ngeruani rupu'an Tuhan? Sapau pulau pacak ngenjuak petua-peturun ngan Diau?

Luak ini pulau mbak kini adau tigha jemau diau dipilia Allah karnau keilu'anNyau. Diau milia ughangtu karnau keilu'anNyau, ukan karnau kerjau ughangtu. Amun Allah milia jemau nurut kerjaunyau, mangku keilu'an itu ukan keilu'an nian.

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak. Jangan nganggap kamu lebia jak di cangka diau ditetaktu. Ingatkala, bansau kamu cuman cangka ajau. Ukan cangka ngenjuakka idup ngan akagh, tapitu akagh ngenjuakka idup ngan cangka.