Popular Bible Verses from Pangila 7

Share

Oti toe, kuhilo tena manusia' uma mowo kawori'-ra, uma haduaa to mpakule' mpobila'-ra. Hira' toe ngkai humalili' dunia', ngkai butu negara, butu pomuli pai' butu nyala basa. Mokore-ra hi nyanyoa Pohuraa Magau' pai' hi nyanyoa Ana' Bima. Moheai-ra pohea to bula, pai'-ra mpokakamu palampa to ntora rawente' tanda pebila'-ra.

Mogora mpesukui-ra, ra'uli': ”Mai-tamo mpo'une' Pue'-ta, Pue' Alata'ala to mohura hi Pohuraa Magau'! Mai-ta mpo'une' Ana' Bima! Apa' hira' to mpohore-ta ngkai silaka pai' mpowai'-ta kalompea'.”

Apa' Ana' Bima to hi ncori Pohuraa Magau' toei mpo'ewu-ra. Natete'-ra hilou hi ulu ue to mpowai' katuwua'. Pai' Alata'ala mpopori hawe'ea ue mata to mo'ili ngkai mata-ra.”

Toe pai' mokore-ramo hi nyanyoa Pohuraa Alata'ala, mpopue'-i butu eo-na pai' butu bengi-na hi rala Tomi Pepuea'. Pai' Alata'ala to mohura hi Pohuraa-na toe mpodoo-ra pai' mpokamoui-ra. Uma-rapa mo'oro', uma-rapa ngkamara, uma-rapa nahimai' eo to ngkerepa'.

”Neo' ulu nipoporumpai' tahi' pai' role-na pai' wana' hante pesesa', ane ko'ia kitu'u tanda tohe'i hi wingke-ra batua–batua Alata'ala Pue'-ta, bona neo'-ra narumpa' pesesa' toe.” Pai' ria to mpo'uli'-ka kahangkuja-ra to rasaa': ha'atu opo' mpulu' opo' ncobu. To rasaa' toera, ngkai to hampulu' rontina to Israel.