Popular Bible Verses from Pangila 6

Share

Kuhilo-kuwo hama'a jara' to mo'ise. Hanga' tauna to mpohawi'-i Kamatea, pai' hi boko' ria to mpopu'i-i to rahanga' Po'ohaa' Tomate. Hi to rodua toera rawai' kuasa mpopatehi hampobagia opo' ngkai hawe'ea manusia'. Ria to rapatehi hi rala panga'ea, ria to mate mo'oro' ba mate hi rala haki' ropu', ria to napatehi binata topekoni'.

Kakunaa-na, kuhilo-kuwo hama'a jara' to bula. Tauna to mpohawi'-i mpokakamu rewa mpanga'e to rahanga' panah, pai' rawai'-i songko pedagia. Kahilou-nami hewa topedagi to mpodagi bali'-na.

Oti toe, kuhilo wo'o Ana' Bima toei mpobongka saa' kalima-na. Kuhilo hi une' meja' pontunua pepue', ria rate–rate tauna to rapatehi apa' mpokarebai-ra Lolita Alata'ala pai' uma-ra mengkala'ura ngkai pangakua'-ra kaYesus-na Pue'-ra.

Rapesukui me'au, ra'uli': ”O Pue' to mokuasa, Pue' to moroli' pai' makono! Hangkuja-pi kahae-na pai' lako' nuhuku' tauna to dada'a to mo'oha' hi dunia'? Kiperapi' nupehawai kehi-ra to mpopatehi-kai.” Butu dua-ra rawai' hantonga' baju to bula. Pai' Alata'ala mpo'uli'-raka: ”Rodo-mokoi ulu, apa' ria-pidi mpai' doo–doo hampobagoa-ni pai' ompi' hampepangalaa'-ni to rapatehi hewa koi'. Ane hono'-damo kawori'-ni to rapatehi, lako' kupehawai-di.”

Mehupa' wo'o-mi jara' kahama'a-na. Jara' toei molei jore'. To mpohawi'-i rawai' kuasa mpogero kahintuwuaa' hi dunia', bona momepatehi tauna humalili' dunia'. Rawai' wo'o-i hamata piho' to kama.

Apa' rata-mi eo to mewulungahi, tempo-na Alata'ala pai' Ana' Bima mpopehuwu roe-ra, uma hema to mpodadahi mokore hi nyanyoa-ra.

Oti toe, kuhilo Ana' Bima toei mpobongka saa' ka'ono-na. Muu–mule' linua bohe, eo jadi' mo'eta hewa mpuga, pai' wula jadi' molei hobo' hewa raa'. Betue' wo'o-hawo mpararodaa' ngkai langi' dungku hi dunia', hewa wua' kaju to taha' oja roda' ngkai lolo-na nto'u nalengo ngolu' bohe.

Oti toe, kanabongka-na saa' katolu-na, ku'epe anu tuwu' katolu-na mpo'uli': ”Tumai-moko!” Kuhilo, etu wo'o-mi hama'a jara'. Jara' toe mo'eta, pai' to mpohawi'-i ngkakamu hameha' potimpa. Pehupa'-na jara' to mo'eta toe, ria ku'epe hewa tauna mololita ngkai olo' anu tuwu' to opo' toera, mpo'uli': ”Gaji' ha'eo hono' mpo'oli once halite-wadi, ba goa' tolu lite-wadi. Aga oli lana pai' anggur bate-na moto.”

Langi' hangaa mokuhu hewa ali' to ralulu, pai' hawe'ea bulu' pai' hawe'ea lewuto' hi tahi' mentoli ngkai po'ohaa'-ra. Nto'u toe, magau'–magau' hi dunia', maradika, tadulako, topo'ua', tauna to mokuasa pai' hawe'ea tau ntani'-na wo'o, rata–rata hi batua ba tau biasa, mengkawuni omea-ramo hi rala horoa watu ba hi heka'–heka' tana' to moganga'