Popular Bible Verses from Pangila 11

Share

Mala'eka kapitu-na mpotuwui' sangkakala-na. Kamogora-rami topololita hi suruga. Bohe mpu'u moni nganga-ra, ra'uli': ”Hewa toe lau, hawe'ea kamagaua' hi dunia' majadi' Kamagaua'-na Pue'-ta, pai' Kamagaua'-na Magau' Topetolo' to napelihi-mi. Moparenta-i duu' kahae–hae-na.”

Hawe'ea tauna to uma mpotuku'-ko, ngasa'-ramo doko' mpo'ewa-ko, Tapi' rata-mi tempo-na nupopehupa'-raka roe-nu. Rata-mi tempo-na nubotuhi kara–kara tauna to mate. Rata-mi tempo-na nuwai' parasee hi batua-nu: hi nabi to mpokeni Lolita-nu, hi tauna to mpengkorui-ko, pai' hi hawe'ea tauna to mpobila'-ko, to bohe ba to kedi' tuwu'-ra. Rata-mi tempo-na nuhuku' tauna to mpakada'a dunia'.”

Nto'u toe mpai', kusuro rodua sabi'-ku hilou mpokeni Lolita-ku. Sabi'-ku to rodua toera moheai pohea mo'eta, hewa to rapake' tauna to susa' nono-ra, pai'-ra mpokeni Lolita-ku rala-na hancobu ro'atu ono mpulu' eo.”

Timpaliu tolu eo hantanga' toe, rata-mi inoha' to mepotuwu' ngkai Alata'ala. Inoha' toe mesua' hi rala sabi' to rodua toera, alaa-na tuwu' nculii'-ramo, memata pai' mokore. Wulunga-ramo hawe'ea tauna to mpohilo.

Ria kuasa-ra mpo'ompo langi' bona neo' dungku uda bula-ra mpokeni Lolita Pue'. Mokuasa wo'o-ra hi butu halu' bona ue mobali' jadi' raa'. Ria tena kuasa-ra mposerohi dunia' hante wori' nyala pesesa', nto'uma konoa-ra mpobabehi.

Sabi' to rodua toera, rarapai'-ki rongkaju kaju zaitun pai' romeha' witi' lampu to mokore hi nyanyoa Alata'ala, Pue' humalili' dunia'. Ria baraka'-ra mpopehupa' apu ngkai rala nganga-ra mpopatehi hema–hema to doko' mpobabehi to dada'a hi hira'. Hewa toe oa'-mi kamate bali'-ra to doko' mpobabehi to dada'a hi hira'.