Popular Bible Verses from Pangila 10

Share

Mosumpa-i hante hanga' Alata'ala to tuwu' duu' kahae–hae-na, to mpopajadi' langi', dunia', tahi' hante hawe'ea ihi'-na. Na'uli' hi rala posumpa-na hewa toi: ”Hante kuasa to nawai'-ka Alata'ala ku'uli': Ane mala'eka kapitu-na mpotuwui' sangkakala-na mpai', hinto'u toe-mi Alata'ala mpadupa' patuju-na to mahae-mi tewunii', hewa to na'uli' owi hi nabi–nabi to mpokeni lolita-na. Uma-pi raderu'–deru' tempo-na.”

Oti toe na'uli'-ka: ”Kana nupohowa' wo'o-mi mpai' lolita ngkai Alata'ala, mpotompo'wiwi tauna ngkai wori' negara, wori' pomuli pai' wori' nyala basa, pai' mpotompo'wiwi magau'–magau' wo'o.”

Oti toe kuhilo hadua mala'eka to parimuku mana'u ngkai suruga. Limu' mpoputu'-i pai' woo'-na nawewe pino. Lio-na mehini hewa eo, witi'-na hewa tuha', mehini mpo'apu.

Kahilou-ku mpu'u-mi hi mala'eka toei, ku'uli'-ki: ”Wai'-a sura to kedi' tetu mai.” Na'uli'-ka: ”Ala'-mile pai' koni'-mi. Ane hi rala ta'i-nui, mopai'. Aga hi nganga-nu momi' hewa ue wani.” Kaku'ala'-na mpu'u-mi sura toe ngkai pale-na pai' kukoni'. Hi nganga-ku momi' mpu'u hewa ue wani, aga hi rala ta'i-ku mopai'.