Popular Bible Verses from Efesus 2

Share

Uma ria haduaa to ma'ala mpo'uli' hewa toe, apa' katuwua' to bo'u to tarata-mi toi-e, tarata ngkai Alata'ala-hana. Napajadi'-tamo manusia' to bo'u to mosidai' hante Kristus Yesus, bona mpobabehi-ta po'ingku to lompe', hewa to napakatantu ami'-mitaka.

Alata'ala mpohore-ta ngkai huku' jeko'-ta, muntu' ngkai kabula rala-na-wadi, sabana pepangala'-ta hi Yesus. Nahore-ta toe, bela ngkai kalompe' kehi-ta. Toe bate pewai' mara Alata'ala hi kita', bela ngkai po'ingku-ta. Toe pai' uma ria haduaa to ma'ala mpo'uli': ”Ngkai kalompe' po'ingku-kule pai'-a nahore Alata'ala ngkai huku' jeko'-kue.”

Aga uma mowo kalompe' nono-na Alata'ala, uma mowo kabohe ahi'-na to napopohiloi-taka. Bula-ta hewa to mate-pidi sabana petibokia-ta, nawai'-ta katuwua' to bo'u hangkaa–ngkania hante Kristus. Jadi', muntu' ngkai kabula rala-na Alata'ala pai'-ta tehore ngkai huku' jeko'-ta.

Ngkai posidaia'-ta hante Kristus Yesus, Alata'ala mpopemata-ta pai' napopohura-tamo hi pohuraa karabilaa' to hi rala suruga hangkaa–ngkania hante Kristus.

Ngkai toe-mi, ompi'–ompi' to bela-koi to Yahudi, ri'ulu hewa tauna to hi mali-na-ko-koina. Aga wae lau uma-pi hewa toe. Wae lau hampodooa-mokoi hante hawe'ea tauna to mepangala' hi Yesus. Hantomi lau-mokoi hante hawe'ea ana' Alata'ala. Kita' to mpangala' Yesus ma'ala rarapai'-ki tomi to nawangu Alata'ala. Suro–suro Pue' Yesus pai' nabi–nabi, hira'-mi pongkoto' watu pai' tuha'-na. Pai' Kristus Yesus, Hi'a-mi parawatu.