Popular Bible Verses from 2 Timotius 2

Share

Aga iko Timotius, parata tudui' to makono hante kanoa'–noa'-na. Huduwukui mpokamu bago-nu toe, bona ane rata-ko mpai' hi nyanyoa Alata'ala, uma-ko me'ea'. Na'uli'-koko mpai': ”Iko-mi topobago-ku to lompe'!”

Toe pai' kuparesai'-ko Timotius, neo' nutuku' kahinaa nono to biasa hi tauna to mongura. Huduwukui mpotuku' gau' to napokono Pue', perohoi pepangala'-nu hi Pue' pai' ahi'-nu hi doo. Tuwu' hintuwu' hante hawe'ea tauna to mekakae hi Pue' ngkai karoli' nono-ra.

Pai' uma-hawo natao ane kita' to jadi' batua-na Pue' uma hintuwu' hante doo-ta. Kana tapoka'olu po'ingku-ta hi hawe'ea tauna, pante metudui', pai' mosabara.

Nau' molaka' pepangala'-ta hi Hi'a, uma molaka' pepewili'-na hi kita'. Apa' uma-i bisa mo'ungkere' ngkai lolita-na.

Tauna to me'ewa kana tapaka'olu mpotanee'-ra, meka' ba lue' Pue' mpalogai-ra medea ngkai pe'ewa-ra duu'-na monoto-mi nono-ra pai' ra'inca tudui' to makono, alaa-na tebahaka-ra ngkai kuasa Magau' Anudaa' to mpewuku-ra mpotuku' konoa-na.

Neo' nudohei-ra tauna to mpokeni lolita to uma mo'ihi. Apa' tudui'-ra toe uma mpokeni tauna mpakaroli' katuwu'-ra. Tudui'-ra toe mpokeni tauna kamolaa–laaa lau-di ngkai Alata'ala.