Popular Bible Verses from 1 Korintus 2

Share

Tapi' hewa to te'uki' hi rala Buku Tomoroli': ”Hi tauna to mpoka'ahi' Alata'ala, naporodo ami'-miraka to lompe' lia, to ko'ia rahiloi ba ra'epe manusia', pai' ko'ia rarata nono manusia'.”

Tauna to uma mpo'incai Alata'ala, uma-ra mpopangala' tudui' to ngkai Inoha' Alata'ala. Ra'uli': ”Lolita tauna to wojo-hawo to hewa tetu.” Uma ami' raratai nono tudui' to ngkai Inoha' Alata'ala, apa' tudui' to hewa toe ma'ala mesua' hi rala nono-ta ane Inoha' Tomoroli' mponotohi-ta.

Kita' toi, ta'inca-mi patuju-na Alata'ala toe-e, apa' Alata'ala mpopo'incai-ta hante baraka' Inoha' Tomoroli'. Apa' uma ria to tewunii' hi Inoha' Tomoroli', napewulihi' butu nyala-na rata–rata hi patuju-na Alata'ala to ko'ia ra'incai manusia'.

Pai' kita', uma-ta mporata noto to ngkai dunia' toi. Mporata-ta Noto to ngkai Alata'ala, bona ta'inca hawe'ea to nawai'-taka Alata'ala ngkai kabula rala-na.

Kareba to kuparata-kokoi, uma kuparata hante kapantea-ku moto, uma kuhinai-koi hante lolita-ku. Ngkai baraka' Inoha' Tomoroli'-hanale pai' alaa-na ni'inca-mi kamakono-na kareba to kukeni-e. Jadi', mepangala'-koi hi kareba to kukeni, uma ngkai kapantea manusia'. Mepangala'-koi muntu' ngkai baraka' Alata'ala.