Popular Bible Verses from PONGORINAH 14

Share

Turus ahku ngonih auh tahkan soruga nuhtui, ‘‘Nyuratrih tuh: Nopara huntuh, kosanangrih ulun-ulun ijo mahtoi rahat hino mohalu Tuhan!’’ ‘‘Morong!’’ putah Roh Pohotala. ‘‘Iro ahkan tondo bogawi paham, tului bua pohalu iro, toturus ahkan homboh iro.’’

A'ang hal tuh ukup Pohotala, ijo bokehtep umba poretah-poretah Pohotala, tutang tehen umba Yesus, porulu monjadi tabah.

Molehkat rih na'ah umba auh ijo muhing, ‘‘Mihkohrih ahkan Pohotala, tutang momuji kohajoi-Oh! Kotului jari ohkotoh Pohotala mosara kolunon. Nyembahrih Io ijo naoi langit, tana, tasik, tutang paring tohasak danum!’’

Ihcobehti molehkat kotolu ngohasu duo molehkat rih, sambil na'ah umba auh ijo muhing, ‘‘Ulun ijo momuji ohcinrih honong kopahtungoh, tutang anaingina tanda ohcin rih aang likou ata'ai ang longoioh, ulun rih ahkan ngorih anggur Pohotala, yorih anggur kosangit-Oh ijo jari tonusuh-Oh koluwang kondarah-Oh, eamanai tongurang honjiot ka! Paring ulun rih ahkan tonosiksa, aang luwang baho tutang sondawa, ang toharep molehkat-molehkat brasih tutang ang toharep Anak Tobiri rih. Asop tahkan baho ijo monyiksa ulun-ulun rih, ahkan nyolobuwuk hototurus ahkan turus-jahamoh. Hondou, ngolomi, eam anai tondo-tondooh, iro tonosiksa yorih, iro ijo nyembah ohcin rih tutang pahtungoh, paring ulun ijo anaingina tanda aran ohcin rih.’’

Pongohino ahku nohto, turus gihtan Anak Tobiri rih tombok ang isun Puruk Sion. Homboh Io anai solahtus ohpat pulu ohpat kuhjan behti, ijo aang likou nyino-nyinong tonyurat arai-Oh tutang aran Amai-Oh.

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.

Molehkat koduo ngohasu molehkat ijo pahtuk sambil na'ah, ‘‘Jari ngonyahtu! Lowu Babel ijo hajo jari ngonyahtu! Io jari nguan karo uhtus monjadi busou umba danum anggur – yorih tahkan bolai kihaloh!’’