Popular Bible Verses from PONGORINAH 13

Share

Ang ohtoi porulu anai hikmat. Ulun ijo bijaksana dahpot morehken rimai tahkan angka ohcin rih, tului angka rih anai aran ihcobehti ulun. Angkaoh iorih 666.

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

Paring ulun hajo, tutang koik, tahtou tutang porosbolum, jihpon tutang ulunmorodehka, hojojuan nyembah kopahtung bain ohcin rih, ahkan norima tanda aang longon kotaun iro ata'ai ang likou iro. Eam ihcobehti ka dahpot moli ata'ai borahkang angihco, amat io eam anaingina tanda rih, iorih aran ohcin rih bongoi, ata'ai angka ijo pokarah aran rih.

‘‘Ulun ijo harus tonawan, musti ahkan tonawan. Tutang ulun ijo harus tomunu umba padang, musti ahkan tomunu umba padang. Orih rih kotuluioh ukup Pohotala pahtut tabah tutang bokehtep.’’

Pongohuli ahku nohto ihcokungan ohcin lombut tahkan luwang tasik. Io anaingina sopulu tanduk tutang pihtu kuhung. Aang nyinong tandukoh anai ihcokobawak ahkur, tutang ang nyinong kuhungoh tonyurat aran mopohina toharep Pohotala.

Io tihkastou ka'a molawan ukup Pohotala hawui ngalah iro. Tutang kokowasa ngosan paring lihting nogara, basa, tutang uhtus tononga ahkaioh.

Tutang paring ulun ijo bolum ngosantana tongoalikoh, umba tandahelan-tandahelan ijo tou tonguaioh ang husuk ohcin ijo pahtuk orih. Tutang iro paringoh tonyuhuoh nombok ihco kopahtung tahkan ohcin ijo jari bohimang bain padang, tahpi magun bolum. Ohcin ijo koduo rih, tongoduonoh nonga hasong ahkan kopahtung rih, nyiring kopahtung rih dahpot bopander, tutang munu paring ulun ijo eam kani nyembahoh.

Ohcin ijo ahku nohto rih tapaioh kolou mahcan tutul tutang pa'ai kolou pa'an bohuang tutang somoyongoh kolou somoyong singa. Turus ohcin rih nonga bain naga rih koba'asoh bongoi, tutang pododusaioh tutang karokowasa-Oh ijo hajo.

Ohcin rih tongohonou ngohawot hal-hal ijo paham angkuh tutang mohina Pohotala. Io tihkastou moretah ohpat pulu duo bulan kotahiuoh.

Ihco tahkan holat kopihtu kuhung a'ang ohcin rih, topahjahoh kolou himang parah samasino, tahpi himang rih jari pios. Sohopus tana ngohasu ohcin rih hawui nanyam hebat.

Turus ahku nohto ihcokungan ohcin bahkon lombut tahkan luwang tana. Io anaingina duo tanduk, kolou tanduk anak tobiri. Auhoh kolou auh naga. Ang husuk ohcin ijo pahtukoh rih, io hapa kowasaan ijo hajo ijo ngondahpotoh tahkan ohcintana rih ka'a. Sohopus tana tutang paring ijo mohcon ang ngosanoh, tohojojuanoh nyembah ohcin ijo pahtukoh rih, ijo bohimang parahoh jari pios.