Popular Bible Verses from 2 TIMOTEUS 2

Share

Hondakrih ihko bousaha tu'u-tu'u mangat tongahku bain Pohotala, kolou ulun ijo layak bogawi bagi-Oh. Bousaha iou mangat ihko eam mia tohou gawin'mu, molekan majar hawui kona ajaran-ajaran morong tahkan Pohotala.

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

Ulun ijo bogawi ahkan Tuhan eam pahtut hojawab, io harus bojenta toharep paring ulun, tutang dahpot majar ulun honong pios tutang sabar.

Amat ihto eam te'et, Io tohtap te'et, tului eam dahpot Io hokolawan umba arop-Oh bongoi.’’

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

Ngomahcurih panderan-panderan, ijo eam anai gunaioh tutang ijo mohina Pohotala. Panderan-panderan kolou orih tihkas napa ulun mahi-mahi ja'at.