Popular Bible Verses from 1 PETRUS 5

Share

Sorahohrih karon kowatir'kam ahkan Pohotala, kobain Io ahkan mopoduli'ko.

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh. Lawan io umba koporocaya ijo segah, tului ihkam kota'an ijo konduang-konduang sosama Kristen bohkonoh, ang sohopus kolunon ka'a ngarot kolou ihkam.

Tului rih, ngominda arop'mu, ang pinda longon Pohotala ijo ba'as, mangat Io ngahtang ihkam amat jari johcok ohkotoh.

Kodorih ka'a Konduang, ulun-ulun biou. Tunduk ahkan ulun-ulun ijo oko. Konduang paringoh harus ngominda arop, tutang saling mohalu honong randah ahtoi. Kotului luwang Surat Borasih tonyurat koloutuh, ‘‘Pohotala noharep ulun ijo bojuhu, tahpi kasih umba ulun ijo randah ahtoi.’’