Popular Bible Verses from 1 PETRUS 4

Share

Labih tahkanumba kokaro-karooh, hondakrih ihkam tu'u-tu'u mongasi ihco umba ijobohkon, kotului hawui saling masi ihkam ahkan bosodia ka'a ahkan saling mongapun.

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.

Tahpi amat ihkam ngarot bain ihkam ulun Kristen, ara mia tului hal rih. Botorimakasihrih umba Pohotala, ijo ihkam ngomin aran Kristus.

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

Konduang-konduang ijo ponokasih! Ihkam uhuntuh paham ngarot kotului rahat tonguji. Tahpi ararih komo helan, koloujahka anai aangihco ijo luar biasa nyolung ahkan'mu. Malah, hondakrih ihkam nanjam sanang, kotului umba ngarot hihco umba Kristus. Mahka noin amat kohajon Kristus tongorinah, ihkam ahkan tongojorih.

Hondakrih, ihkam norima ihco umba ijobohkon, ang lohpou nyinong-nyinong eam bokuhtuk.

Bain orih, amat anai ulun-ulun ijo ngarot tului Pohotala ngohondak kolourih, hondakrih ulun-ulun rih bolum hawui morong tutang moporocaya arop umba Pona'oi iro. Io ahkan turus molalus bowot-Oh.

Tului Kristus jari ngarot socara behtiu, ihkam ka'a harus ngoba'as arop, umba tiruk ijo kolourih. Kotului ulun ijo ngarot socara behtiu, eam hino nguan dusa. Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

Ihkam botuah amat ihkam tonohina, kotului ihkam murid Kristus. Orih rimai Roh ijo tohoromat yorih Roh Pohotala anai aang ihko.