Popular Bible Verses from 1 PETRUS 2

Share

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam. Lomoi ihkam kolou tobiri ijo lahcat, tahpi huntuh ihkam jari tongomin hoduli ahkan nutut Sokahtik tutang Pongindoi homboruan'mu.

Lomoi ihkam eam ukup Pohotala, tahpi huntuh ihkam anairih ukup Pohotala. Lomoi ihkam eam tonongasi bain Pohotala, tahpi huntuh ihkam norima kasihsayang-Oh.

Hondakrih ihkam monjadi kolou ngoa ijo punan konanak toturus haus ahkan susu rohani ijo hinut. Honong kolourih ihkam ahkan bolum tutang tonyolamat.

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan. Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

Kotului orih, lombutrih nokuh Tuhan. Io kolouoh bahtu ijo bolum, bahtu ijo todian bain kolunon, kotului tongohu eam boguna; tahpi ijo tonopili bain Pohotala, kolou bahtu ijo borega.

Hondakrih ihkam bolum kolou ulun marodehka, tahpi ara hapa komorodehkaan'mu rih ahkan hapa monyuhuk koja'at, molekan bolumrih kolou jihpon Pohotala.

Kotului Pohotala kani, mangat honong karon-gawin'kam ijo hinut ihkam mangup baun ulun ijo bopander baleh.