Popular Bible Verses from 1 YOHANES 3

Share

Anak-anak'ku! Ararih ihto ngasi baya ang nyama, ata'ai tihkas umba kohawot iou. Hondakrih ihto ngasi umba kasih ijo sojahti, ijo tongorinah umba gawin ihto.

Umba jalan tuhrih ihto mongota'an cara masi sama arop; Kristus jari monyorah pombolum-Oh bagi ihto. Kobain orih ihto ka'a harus monyorah pombolum ihto bagi konduang-konduang ihto!

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

Ulun ijo jari monjadi Anak Pohotala, eam hototurus nguan dusa, kotului sipat Pohotala bongoi anai luwangoh. Tutang kotului Pohotala rih Amaioh, mahka io eam duon hototurus nguan dusa.

Amat ihcobehti ijo pombolumoh sukup nohto konduangoh anai kotahpas, tahpi eam kani dohop konduangoh rih, koloukuwoh ulun rih dahpot homauh ijo io sita Pohotala?

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

Tahkan pahtuk jari tonyiar borihta tuh ahkan'kam: Ihto harus masi ihco umba ijobohkon.

Bain orih, Konduang-konduang'ku, ara helan amat ulun-ulun kolunon tuh bosingi ihkam.