Popular Bible Verses from 1 YOHANES 2

Share

Ara ngasih kolunon tuh, ata'ai inon ka'a ijo anai ang luwang kolunon tuh. Amat ihkam ngasih kolunon, ihkam eam ngasih Amai. Kokaron angihco anai ang luwang kolunon tuh – ijo tongojolik bain tobiat ulun ijo bodusa, ijo tonohto turus tongojolik tutang ijo tonama-namamoh – paringoh anairih hal-hal ijo eam asar tahkan Amai molekan tahkan kolunon.

Kolunon tutang kokaro aang'co ang luwangoh ijo tongojolik bain ulun, rahat dilap. Tahpi ulun ijo numbun konohuang Pohotala, tehtep bolum nyiring turus-jahamoh.

Ia-iai nuhtui ijo Io bolum hihco umba Pohotala, Io harus bolum nutut lohkun Kristus.

Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

Ulun ijo homouh, ‘‘Ahku kosono Pohotala,’’ tahpi eam te'et umba poretah-poretah-Oh ulun rih bobalik, tutang Pohotala eam anai ang luwang ahtoioh.

Amat ihto te'et umba poretah-poretah Pohotala, orih tandaoh ijo ihto ngosono Pohotala.

Ulun ijo nuhtui ijo io anai ang luwang koloang, tahpi ulun rih magun bosingi konduangoh, ulun rih magun mohcon ang kopindong nyiring huntuh.

Ijo bobalik anairih ulun ijo nuhtui, ijo Yesus bohkonoh Lahca Ponyolamat ijo tonobowot bain Pohotala. Ulun rih Polawan Kristus; io eam mongahkuoh Amai mahika Anak.

Ulun ijo eam ngahku Anak, rimai eam monorima Pohotala rih Amai ka'a. Tutang ulun ijo mongahku Anak, rimai norima Amai ka'a.