Popular Bible Verses from OBUBALI 16

Share

Nebutswa OMWAMI naba nakhola ling'ana liiyia, liloba liene niliasamie omunwa nilibamila bukala, nende ebindu biabwe biosi pe, nibeekha nibatsia Emakombe nibali mwoyo; kho mumanye mbu abandu bano bali okhufukula OMWAMI.” Nikaba mbu olwa yali niyakhamala okhuboola amang'ana yako kosi, liloba elia basinjilakhwo liatikha, ne liloba liene niliasamia omunwa nilibamila bukala, nende abomutsinyumba tsiabwe, nabandu bosi abali abolwibulo lwa Kora, nende emiandu chiabwe chiosi.

Kora omwana wa Isihari, omwitsukhulu wa Kohatsi owolwibulo lwa Lawi, halala nende Datsani nende Abiramu abasiani ba Eliabu, na Oni omusiani wa Peletsi, abolwibulo lwa Rubeni, halala nende Abaisiraeli tsimia tsibili namakhumi karano, abemeli beifuma indahi abelwa nomukanda kwa Baisiraeli bakhol'la obwemeli bwa Musa indiri.