Popular Bible Verses from OBUBALI 14

Share

Muramukhol'la OMWAMI induli, nohomba muraria abandu abamenya musibala yisio tawe; okhuba nakhubaleche butswa mubutoro. OMWAMI ali n'nefwe, khandi ulechele abanyasaye babwe ababalindanga, kho muraria tawe.”

‘Ise OMWAMI sindi omwangu okhuhambwa oburima tawe; manyianga obuyanzi obwinji nende obusubilwa, ne ndekhelanga tsimbi nende indiri. Kata mbwo sinyala okhubula okhuhaana esinyasio khumundu wesikha tawe. Mbaananga esinyasio khubaana nende khubetsukhulu kata okhwola khulwibulo lwakhataru nende olwakhane khulwe tsimbi tsiabebuli babwe.’

OMWAMI naba nakhuyanzila, alakhuhilamwo ma akhuhelesie esibala siobuhinda khandi esieliloba linolu.

Ne sichila omurumikhili wanje Kalebu yali nende omwoyo kundi okwabukhan'ne, khandi yanondanga nomwoyokwe kwosi ndakhamwinjisie musibala esia yali okhulambuula, ne abetsukhulube bakhamenye musibala yisio

Luno bahelesie likalusio lino: ‘Ndesuhanga mbu oluhono lwandi mwoyo, naamukhol'le kosi akamureebanga. Ise OMWAMI mal'le okhuboola.

OMWAMI nabool'la Musa mbu, “Abandu bano balanjaaya okhwola lina? Balasuula okhuusubila okhwola lina, kata nikali ndakhola akamangalimwa amenji mubo?

Abaisiraeli bosi nibamumuchil'la Musa nende Haruni; ne abandu bosi nibababool'la mbu, “Bwakhabeeye bulahi khulafwila musibala sie Misiri nohomba musitsiimi sino.

Ne Yoshwa omusiani wa Nuni nende Kalebu omusiani wa Yefune, abali balala khubalambuuli besibala yisio nibarandula tsingubo tsiabwe musibeela, ma nibabool'la omukanda kwosi okwa Baisiraeli mbu, “Esibala esia khwalambuuye nikhubir'ramwo, nesibala esilahi okhusila.

Nebutswa ndesuhanga, siahene oluhono olwasili mwoyo, khandi oluhono lwesibala siosi sisitsuyemwo oluyali lwanje, abulaho khubandu yabo bosi owakhahindile okhwinjila musibala yisi. Bali okhulola obulafu obukhongo obumanyianga okhubaho khwanje nende akamangalimwa aka ndakhola mu Misiri nende musitsiimi, nebutswa bali okhuteema obwesimilisi bwanje hali akhenji khandi nibasuula okhumbulila. Sibalinjilakhwo musibala esiandasubisia okhuhelesia abakuka babwe tawe. Yabo bosi abali okhuusuula sibalenjilamwo tawe.