Popular Bible Verses from OKHUCHIAKA 28

Share

Witsul'le mbu ndakhabe n'nawe, ma ndakhakhulinde hosi aholiba notsia, ma ndakhakhukalusie khwiloba yili. Sindikhulekhakhwo tawe okhwola olwandiba nimbesisie akandakhusubisia.”

Ne Omwami yali nasinjiiye hekulu khusirandaalo tsana, naboola mbu, “Ise nise OMWAMI, Nyasaye wa Aburahamu nende Isaka. Khuhelesianga ibe nende olwibulolwo esibala siokon'nekhwo sino.

Yakobo yasimukukha mundoolo ma naboola mbu, “Khane OMWAMI ali habundu hano, nase simanyilekhwo tawe.”

Ma Yakobo nalomba esietsubo khu Nyasaye, naboola mbu, “Niwakhaba n'nase ma nauninde muluchendo lwanje lwandikhwo luno ma khandi naumbelesie ebiakhulia nende ebiokhwebiikha, ne nindakhakalukha hango ha papa wanje nomulembe, ibe wakhaba Nyasaye wanje. Lichina liesitsusio eliasinjisisie lino liakhabe habundu hokhukhwekayakayila, ne ndakhakhuhelesie esielikhumi siabuli esindu esiawakhambelesie.”

Olwibulolwo lwakhabe olwinji singa olukuukhi lwokhusibala. Lwakhalande tsimbeka tsiosi, ne mu ibe nende mulwibulolwo, ndakhalaamile tsinzibulo tiosi tsikhabi.

Nakulikha habundu tsana Betseli. Litaala yilio lialangwanga khale Lusi.