Popular Bible Verses from OKHUCHIAKA 27

Share

Nyasaye akhuhelesie liime okhurula mwikulu ma alombe lilobalio okhuba linolu. Akhuhelesie ebichese ebinji nende ewaini. Tsimbia tsiabandu tsilakhutiiyilenje, ne abandu bakhwinamilenje. Oruche abeekho baabo bosi ma abolwibulo lwa mamawo bakhwinamilenje. Omundu wosi nakhulaama naye alaamwe; ne omundu wosi nakhusaayila ikhabi naye asaayilwe ikhabi.”

Esau naboola mbu, “Luno nolwakhabili niyanuulanga obweyangu bwanje. Yalanjilwa khubwene Yakobo. Yabukula ikhabi yanje yobukhulundu, khandi leelo ubukuuye tsikhabi tsianje. Siundekheeyekhwo ikhabi nase tawe?”

Isaka namubool'la mbu, “Liime liomwikulu siliakhabeekhwo khuibe tawe. Khandi obunolu bwesibala siwakhabunyoolekhwo tawe. Wakhamenyele olukanga lulwo, khandi oliba omurumikhili womwana wenywe, nebutswa olwolisuula akake ne orula muburuchibwe.”

Esau natsilil'la okhumuhombelesia samwana, “Oli butswa nende ikhabi ndala yonyene, papa? Nase saayilakhwo ikhabi, Papa.” Ma nachaaka okhulakaya.