Popular Bible Verses from GALATIA 5

Share

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon, ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

Nadya an wenyhenya nera, ugunja unaʾ era Imik Neyung Geisinya adya bo ulusilyaʾ dara, ugunja malya unaʾ hwam ok unulusinya pika dilira dobnenggulumnulum.

Imik Neyung Geisinya adya nuk embengaʾ wenyek unaʾ era elegosuk dara, wera nunja nong unaʾ eneba Geisinya adya goluwoka bo ulusilaʾ adya unulumnemab.

Nim ara, Kristus Yesus adyaʾ seleb dangarob nim era, sokok an nimi ganya era, yok-yok malya unaʾ salyaʾ doro unulusinya ganya ab, salyaʾ meknewoka unulusinya ganya anyek, seleb oboka gal ak glabek.

Wera nimi ganya oka desinaʾ adya ununaʾ laga eillilimabaʾ ara gela salyaʾ salanaʾ ab, sembejaʾ unaʾ ab, ganya sirigaʾ beilinggom ganya ab, bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab, hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

Nim adya ganya era, Geisinya ab dara, gangganaʾ gogoldalarak. Dara, Geisinya adya unuwonun senelelanya neb, nimi ganya adya unuwonun senelemaknya neb dara, yok-yok ulumla. Sikja ganya seininaʾ ara yok-yok seinilirakaʾ adya, ugunja unuwanamna senenanya nera ununggululum.

Nidyaʾ unuwanalum an yub ek momnya dobokaʾ ara, ban yub enedya ok gaka dangalamlaʾ ara, ”Andamnya wanaʾ uldalalam sok, nimi yok nang ek unu neikso wanaʾ ulululum,” aro lebok. Dara, ban hnonok ok unululam bok, nidyaʾ gobdo unululam.

Nunja yok nang ek dengdang ganya boboka, ganya soloma nenebdangoka, hman ganya boldanaʾ ara, hyak mem.

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.