Popular Bible Verses from Rom 3

Share

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa. Okóm tódô lemwót bè yóm tey któbóng Dwata tekuy, yóm tóbóng là dog bnayad du, yó gónón tedeng ktonen tekuy hlanen bè Krays Jisas, yóm deng lemwà tekuy gu lem salà.

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Deng hógów Dwata Jisas mò na a matay bè salà tekuy. Hamaen litóen anì wen lan Dwata hmifót salà tekuy ke deng tekuy hemtahu bè Jisas. Ni se nmò Dwata anì hegfanen bélê tekuy yóm tey kun ktedeng. Bè gnan kdaw, tódô henbala Dwata yóm salà tau, tódô hiusen. Okóm ni kmoen ni, là gbeken du ke là tnafaken du yóm salà. Yó gónóm mon, umuen Jisas fen megtafak. Bè yóm ktafaken salà, yó gónó Dwata hegfan du yóm tey ktedengen. Ne yóm tau hemtahu bè Jisas, baling tedeng kton Dwata du yóm tau yó.

Abay se laen dù tau tedeng kton Dwata du lemwót bè kloloen yóm hlau. Yó muhen yóm hlau mò hdilô du bè tau yóm kegsalaen.

Lómón yóm deng monen bè Sulat Dwata, monen, “Laen kô dù tau tódô tedeng kmoen, balù sotu. Laen kô dù tau ke hol hulung hedem, duhen ke hol móyô tmaba ebè Dwata. Deng gotu knogol le Dwata. Deng le gotu hetlas. Laen kô dù tau ke tedeng kmoen, balù sotu.

Bud nulitu yóm monu yó koni, són yó gónón baling tedeng kton Dwata tekuy ke hemtahu tekuy bè Jisas. Là kóen lemwót bè klolò tekuy yóm hlau.

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”