Popular Bible Verses from Kem Lingón 37

Share

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Hogotem ke Dwata klowilem. Holi smalig béléen, ne tnóbóngen u.

Hol hanayem nawam mangat du yóm któbóng Dwata kóm, béi htakas. Béem kenteng mata yó kem tau deng hyu kul kógów klowil, duhen ke yó kem tau deng wen gónón e baling yó kem sidek gel natul le.

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Yó kem tau gel hefligal ke Dwata, tey tendo gel kesgalak Dwata lan le, ne sal gel nofinen lu. Baluen ke tlokob le, là kô le masà, abay se deng eles nogoten lu.

Ke tedeng yóm gel nmoem, hegfan Dwata bè kdéen tau. Hol lómón kehegfanen du, lómón ke nóng kdaw deng gtungó.

Bê te hegmung bè ktafa nawa, ne bê te hegmung bè lebut. Olohen mit kut elem sidek yó kem yó.

Ni denge tey tuha ne, deng tey tahà klowilu. Là kô deng wen tonu he ke tódô bayà Dwata yóm tau hyu kmoen, duhen ke gel heslaf mni ken bè kem tau yó kem ngaen.

Béem kenteng mata yó kem tau gel mò sidek, ne béem nófô yó kem tonem bélê le.