Popular Bible Verses from Kem Lingón 34

Share

Tey moni bélê le Dwata yó kem tau wen gónón sidek kegnóm le du. Gel lenwaen yó kem tau laen dù bud nefet nawa le.

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Sal gel wen gónón glayam yóm tau hyu kmoen, okóm sal gel lenwà Dwata gu lemen.

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Gel le htóbóng béléen yó kem tau hen-gnok, ne tey kehyu nawa le bè yóm któbóngen kul. Laen kô dù gónón sidek nawa le béléen.

Bong yó kem tau tedeng kmò le, gel le tmaba ebè Dwata, ne gel hnungolen lu. Lenwaen lu gu lem yóm kdê gónó le glayam.

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

Ke yó se sen-galu nawa ye, hol béen sidek kebkó ye, ne bê ye abay tmulón kéng.

Tendo gel knudung Dwata yó kem tau tedeng kmò le. Gel hnungolen yóm ktaba le ebéléen.

Gbót ye béléu tmulón du yóm tey kegeta Dwata. Hol dóyón tekuy dé boluyen.