Popular Bible Verses from Kem Lingón 143

Share

Tolokem o mò du yóm kóm kóyô, yakà uu du yóm do Dwata. Yó hem Tulusem he fen malak do anì laen dù gfau.

Hol hfungolem do hlafus yóm là konolen yóm kbong nawam do, yakà són uu genléd nawaw. Tolokem do yóm nóyô hlanem do, yakà són uu du gónóhu mni.

Lenwaem o, Dwata, bè yó kem hohonu. Mlóye ebéléem anì bnosem o.

Lenwaem ou, Dwata, mò gónón megdóyón boluyem. Bè yóm tey ktedengem, yó gónóhu gewà bè nim gónóhu glayam.

Ó Dwata, hol hnungolem yóm knihu béléem, hnungolem yóm kehkoduhu béléem. Hol bnalaem o, abay se là kóen monol nawahem ebéléu, ne tey tedeng yóm kóm kmò.

Géhél bnalaem ou, Dwata, abay se laen dù bud lanu ne. Béem knogol o, kô mataye.

Gtulón nawahu yóm kdaw gnan ekni. Sónmou hemdem du yó kem tehe gel nmoem, Ne bud hendemu snéen yó kem tey gendengem.