Popular Bible Verses from Kem Lingón 139

Share

Tey kdóyónu kóm, Dwata, tey minggel yóm kdê nô bè lówóhu. Tey bong hentaw yóm kdê deng nmoem béléu. Deng hol tngónu se dou yóm ni.

Hol henklolem o, Dwata, hol tenngelem yóm nô lem nawahu. Hol tilówem o anì tngónem yóm nô lem hendemu. Nénégem ke wen sidek tonem béléu, ne hol sen-galakem o lemolò du yóm lan hlós ebè yóm klowil laen dù tul sónen.

Yóm kdê nô bè lówóhu ni, deng gotu nmoem béléu yóm tolo knóu lem blutut yê.

Deng eles tonem ou ne gu laanu là deng sut. Ne gu laanu là deng sut he, deng eles snulatem bè bokem yó kem deng oluhem etahu lemwót bè yóm kdaw ksutu efet kól bè yóm buteng angat katayu.

Ó Dwata, deng gotu henklolem ne yóm dou kmò, laen kô dù là tngónem du béléu.

Là kô gbeku hembnos du yóm Tulusem ne là se gbeku hemlóy kóm.

Deng gotu tngónem yóm kdê nmou, ne yó kem angat hendemu, deng eles tngónem.

Balù yóm gu laanu là deng mudél, eles tngónem yóm angat monu.

Tendo tonem o. Baluen ke moe nmò duhen ke hegnóe, gotu tngónem yóm kmò kekdolu.