Popular Bible Verses from Kem Lingón 103

Share

Tey kdóyónu ke Dwata. Là kô naw e klifót du yóm tey kehyu nmoen.

Gotu hnifóten kdê salau, ne gotu kóhen kdê desu. Tendo gel hensengen yó kem gel tô hatayu. Gel tnóbóngen ou mlan bè yóm kbong nawahen do ne yóm kkoduhen do. Tey kehegsengelen nawahu lemwót bè yó kem hyu gel blayen do. Bud huléken kgisu, hol lómón ke bude mulék lomi tau. Yóm kgisu yó, hol lómón kgis banug.

Tey kdóyónu ke Dwata dou. Tódô hotuhu nawahu dmóyón du abay se laen kô dù belenen yóm kun boluy.

Lómón yóm kbong nawahen kem ngaen yóm mà le, lómón yó se kbong nawa Dwata yó kem tau wen klikò le du.

Lómón klayuken dmata kdaw kól e desdef, yóm gónó Dwata e mbot yó kem salà tekuy.

Tey kmodu yóm Dwata, ne tey bong nawahen tau. Là kóen mahil lembut, ne là monolen yóm kbong nawahen tekuy.

Là kô yó du tafak Dwata tekuy yóm tafak hol bang bayad yó kem salà tekuy. Ne là kô balaen du tekuy yóm bang hol balà yó kem sidek gel nmò tekuy. Yóm kbong nawa Dwata yó kem tau wen klikò le du, mkay senta kbong yóm te kmawang.

Bè longit gónó Dwata myón kmamal yóm klamangen, du se hol dandónen geta bè kdéen.