Popular Bible Verses from Kem Udél Hlalak Tehe Selumun 22

Share

Eles hdalang yóm ngà yóm kmò kwiten du hyu yóm kun kmò ne sok deng malay knawahen là kô gkóhen du.

Yó ofol yóm tau heglaan ne kmikò ke Dwata duhen yóm kendengenen ne kegdóyónen ne ktahà ktauhen.

Mom hyu he yóm tau ke néléken yóm któtól bè kehyu kmò senta yóm kbong kendengenen ne mom hyu he ke tótól bè yóm kehyu nawa senta yóm kwen tembaga futien duhen tahu blówónen.

Béi mit swè bè yóm tau sunget duhen slomong bè yóm tau alì sidek kebuten.

Nuyag Dwata yóm tau bkas nawahen ebè kem dumun ne gel benlayen ken yó kem tau élél.

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Yóm tau mdengen, knamalen yóm tau élél ne yóm tau mutóng hesek yóm tau hemdóm.

Yóm tau élél ne yóm tau mdengen senged le bè yóm kmò Dwata kul.

Béem nongò yóm tau élél baluen ke gbekem mò du duhen ke nitem skukum igoen élél. Yakà Dwata du mdà du béléen yóm kun sentulón ne hensideken klowil yóm tau hemsidek yóm tau élél.