Popular Bible Verses from Kem Udél Hlalak Tehe Selumun 19

Share

Tey dê yó kem atul nô lem hendem tau, okóm són yóm kun kóyô Dwata baling du.

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Hnungolem yóm kehlau le kóm ne henmóyóem yóm kestódô le kóm anì hulungi hedem.

Yóm klikò tau ke Dwata gónón mowil ne hyu ktungóen ne laen dù hemenen.

Yóm tau ma yóm khulung hedem henyuhen klowilen ne yóm tau hol msù du bè nawahen yóm khulung temnef, hyu klowilen.

Eles tnedengem yóm ngaem gu laanen là deng gtufì hol béem tódô lugun du là sentódô, déke matay bè yóm sidek nmoen.

Yóm tau tmifù kéng là kô lugun du là tnafak ne yóm tau lemgas yóm kéng hukolen klowilen.