Popular Bible Verses from Kem Udél Hlalak Tehe Selumun 12

Share

Gel blat nawa tau du yóm gel klóngón nawa, okóm yóm udél hyu lemwót bè kem dumun, fen gel hemyu nawahen.

Yóm tau móyô hnau nóyóen yóm ketngón, okóm yóm tau kenbéen yóm kbólów du, book.

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Yóm tau book bè kun kehedem du tedeng yóm kun kmò, okóm yóm tau hulung hedem gel hnungolen yóm kehlau le du.

Mahil dilô yóm kun kebut yóm tau book, okóm yóm tau hulung milô, tódô kem bayaen ke wen tô hemyak du hekawang.

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Tey keklit Dwata du yóm tau tmulón kéng, okóm yóm tau gel tulónen yóm ktahuhen tey kligalen du.

Yóm tau tedeng kmoen nalaken yóm dumun bè ktedengen, okóm yóm kun kmò yóm tau gel mò sidek, hetlasen kem dumu tau.

Laen kô dù tul sónen yóm udél tahu, okóm yóm udél kéng tek likóten.