Popular Bible Verses from Kem Udél Hlalak Tehe Selumun 11

Share

Hyu klowilen yóm tau bkas nawahen ne yóm tau ten-gelen kem dumun bud wen se temgel du.

Yóm tau là sgafasen mom temnù yóm gónón wen ne yóm tau ngalihen yóm tô mò blayen fen temnù kélélen.

Sal gel mulék myak yóm tau heklabak, okóm yóm tau heglaanen knóen hulung hedem.

Tódô klà le yó kem tau bè yóm benwu là wen tau mdengen malak kul, okóm ke dê tau matul bè kwit kul hyu, tey hyu knô le.

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

Yóm tau gel semtebong sal bud gel tulónen yóm lifut tulón du, okóm yóm tau gsalig là kô bud gel sentebongen du.

Mulék hyu knóen yóm tau hyu kmoen bè kem dumun, okóm yóm tau sidek baluhen hensideken knóen.

Mulék gdanà yóm tau tódô doen yóm kun kendengen lómón yó kem doun koyu gel tbó, okóm yóm tau tedeng kmoen, tey hyu klowilen lómón ke yóm doun koyu alì lembud.

Laen kô muhen bè tau yóm kendengenen bè yóm kdaw katayen, okóm yóm ktedeng kmoen htahaen ktauhen.

Tendo le galak bè yóm ktedengen yó kem tau tedeng kmò le, okóm yó kem tau là gsalig kul bè yóm kul keseblékê, yó se heglà kul.

Yóm kóngó yóm libun tilob ke là hulungen mit du hyu yóm kmoen, lómón kóngóhen ke lenahu tising blówón mebtes yóm ngólón sdô.

Tey keklit Dwata du yóm tau lemingko, okóm tey kehligalen du yóm tau tedeng kun kmò.