Popular Bible Verses from Flipay 1

Share

Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.

Gel hnihu bè Dwata anì hol temnù yóm kesbong nawa ye, mung du yóm khulung ye hedem ne yóm khulung ye milô. Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

Abay se béléu do, yó gónóhu mowil anì megdóyón béléu Krays. Okóm mom hyu se ke mataye senta ke mowile.

Tey gel kdóyónu ke Dwata bè ket gel kehedemu kuy.

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

Bélê ye kuy, deng nélék Dwata yu mò tau mò nmò bè Krays. Yóm deng kéléken kuy yó, là olon du bè yóm kehtahu ye bè Krays gónón hyu, okóm hyu snéen yóm keglayam ye lemwót bè yóm klolò ye du.