Popular Bible Verses from Ifisus 6

Share

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

Dikót ye dé yó kem ngom sfatay deng blay Dwata kuy anì laen dù gmò Seitan bélê ye bè yóm dê lanen tô smukat kuy.

Yó gónóm mon, géhél dikót ye ne yó kem ngom sfatay deng blay Dwata kuy anì laen dù gmò Seitan bélê ye ke bangen muluk kuy. Bà nô kegen Seitan tô ma kuy, là kô ye na a ghudul.

Ne yó henged klung eles tendo gel kitin tekuy, duhen yóm kehtahu tekuy bè Dwata. Lemwót bè nim klung tekuy ni, là kóen tódô bélê tekuy yóm kdê hanak mofi gel gtì Seitan tekuy. Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

Duhen yó, eles tekuy gel htifes dé. Yó henged hilet mget bè ówók tekuy, duhen yóm klaen dù kéng tekuy. Yó henged onit eles tendo gel lesek tekuy, duhen yóm ktedeng nawa tekuy. Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Wen yóm hlau Dwata gbak ebélê ye, ne ni se yóm hol tanay hlau wen fasad mung du. Yó monen, “Hol nadatem maem ne yéem anì hyu kógów klowilem, ne anì tahà ktauhem te tonok.”

Ó kem ngà, lemwót bè yóm deng kehtahu ye, hol gel nimón ye kem tuha ye, yakà ni du se yóm hol hyu bélê ye.