Okóm ke wen nmò Dwata yóm là deng sulék gungol tau du ne ke tódô setngag yóm tonok ne ke gotu le geblos elemen ni kem tau ni, gomong kem kimu le, geblos le elemen igò le tolo mowil ebè benwu yó kem tau deng matay, bè yó gónó ye temngón du natù le Dwata ni kem tau ni.”
Unihen deng kudél Musis, tódô setngag se yóm tonok gónó le nô le Datan ne Abiram ne gotu le geblos elemen, dalang se yó kem fes lówó le, gomong snéen kdê yó kem tau lemolò ke Kura ne yó kem kimu le.