Popular Bible Verses from Lista 14

Share

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

‘Ou se yóm Dwata hol gónó mogot. Là kóe mahil lembut ne sal gel hegfanu yóm tey kbong nawahu tau. Ne gotu hnifótu yó kem salà le ne yóm alì katù le do. Okóm là kô gbeku là tmafak kul bè yó kem salà le. Lemwót bè salà yó kem tuha le, là kô gbeku du ke là se tnafaku yó kem ngà le ne témê le efet kól bè getluhen ne bè gfat yóm lugod le.’ Yó se, Dwata, yóm tehe udélem ebélê me.

Ke hyu nawa Dwata ebélê tekuy angat nalaken tu etu ne blayen tekuy yóm tonok alì hyu, tonok alì mabù huluhen.

Okóm ke Kalib kun yóm tau tóbóng lówóhu, tey tólóng yóm kun kmò, là kóen monol nawahen ebéléu. Yó gónóm mon, heflósu yó dum kun ebè yóm tonok deng bniwelen. Ne yó kem sfuhen angat le gemfun bè yóm kun ólól bè tum tonok tu.

Ni tulónem kul yóm balau du yóm ksel le do yó, monem mò kul, ‘Ni hol udél Dwata ebélê ye ne là kóen mulék elem baken nim monen ni. Tódô nmoen bélê ye yóm deng gungolen lemwót gu bélê ye. Yóm sana Dwata hol gónó mogot mon du nim ni.

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Tendo nsel le Musis ne Aron, mon le, “Mom hyu he ke tehe me matay ditu bè Idyip duhen ke bè nim benwu laen hol wen tauhen.

Ne yó nmò Juswa yóm ngà Nun lewu le Kalib yóm ngà Jifuni, yóm lewu bè yó kem tau hemkana, botong kensê le nes le lemwót bè yóm alì ksidek kegnóm le du. Yó udél le ebè yó kem tau, mon le, “Hnungol ye dé nim kum tulón. Yóm tonok deng hnalak me tu hol tonok hyu.

Okóm ni eles tulónu kóm ne là kóen na a bud mulék elem baku nim monu ni. Tahu se yóm klaen dù sónen yóm klowilu ne bud tahu se yóm tendo kegfanen bè klamangen benwu yóm tey kegetahu. Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do. Tódô tulónu kóm, là kô le gehlós edu kul yóm benwu tehe fasadu yó kem fù le. Laen kô dù bè yó kem tau kembê do ke gehlós edu.