Popular Bible Verses from Isaya 55

Share

Yó udélen, “Yóm dou kehedem, là mkélen bè yóm kuy kehedem. Ne yóm dou kmò, là mkélen bè yóm kuy kmò.

Lómón keslayuk tonok yóm longit seglafin bud lómón yó se keslayuken bélê ye yóm dou kehedem ne yóm dou kmò.”

Tnana ye semfulék ebè Dwata dé ne hol ye mni béléen nim igoen tolo moni bélê ye.

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

“Yóm udélu,” mon Dwata, “hol lómón yóm kulón ne snu lemwót gu bè longit. Tódô henek te tonok, htowoken yó kem hulu anì wen mò bud gel hulu ne wen se mò ken. Hol lómón yó se yóm dou udél. Là gbeken du ke là wen uléken. Tódô gotu nmoen yó kem dou hmò du.

Angat tey kligal ye bè yóm kehewà ye gu bè Babilun. Ne tey kenek nawa ye bè yóm kwit le kuy hewà. Balù yó kem bulul ne yó kem bulul lemnek, gotu le hligal semngal. Ne yó kem koyu, gotu le hligal mensag se kul.

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.