Popular Bible Verses from Isaya 54

Share

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Anien ke gotu stunal yó kem bulul, okóm yóm kbong nawahu kuy, laen kô dù sónen. Ne laen dù sónen snéen yóm kenek nawa ye, yó se yóm fasadu kuy.” Ni se udél Dwata, yóm alì kembong nawa kuy.

Hol béi abay bud hlikò, laen kô dù gónóm myak. Ne laen kô dù tau hemyak kóm. Tódô klifótem yóm tehe là kgulitem bè yóm hanà tolo klomihem tau. Ne bud klifótem snéen yóm alì sidek keblat nawahem bè yóm klibunem bolu.

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Hol bud tnugodem he yóm gónóem anì lamang ne hol hbegelem heheken.

Tódô ou ne tmolok yó kem tauhem anì wen gendeng le ne anì menek kbenwu le.

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

“Tek likóten yóm ktebelu kuy. Okóm lemwót bè yóm kbong nawahu kuy, yó gónóhu bud semfulék kuy.

“Bè yóm tehe kun kdaw Nuwa ekni, yó fasadu du là bud hdunuku du ne elem benwu. Ne ni kmoen ni, wen se fasadu kuy, duhen yóm là bud kebutu kuy. Là bud nudélu kuy ne là bud tnafaku kuy.

Yó angat suu du yó kem gónô geta gónó le gel mentey, duhen yó kem botu sminang molung hulô boluyen rubi. Yó kem tikebem, angat suu du yó kem botu sminang hol lómón dilóf ofi. Yóm beng hilolem, hono yóm botu alì tilob mebtes suu du.