Popular Bible Verses from Tekang Kbuten 37

Share

Sotu kifu bè yó, kemna Jusif. Ne bè yóm ktulónen du bè yó kem dumuhen setwoli yóm knahen, deng mom bud temnù kutó nawa le du.

Bè kdê yó kem ngà Jakub, Jusif yóm alì kenbong nawahen abay se ngaen bè yóm deng ktuhahen. Wen nes tahà tilob hetbé Jakub bè Jusif.

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Sotu kifu bè yó, bud kemna Jusif ne bud tulónen yó kem twoguhen, monen, “Wen bud knahu. Tonu kdaw ne bulón ne sfolò sotu blotik, gotu le kóem hegdufok ebéléu.”

Ya tey kélés nawa le du yó kem twoguhen okóm ke maen kun, sónmoen hemdem du ke tedu lanen yó kem knahen yó.

Yó kna tulónen kul, monen, “Ngem, wen knahu. Knahu gotu benkes tekuy yó kem halay deng kut gnalab bè uma kun. Okóm yóm dou halay benkes, tódô mdà ne fen kudung gu hilolen yó kem kuy halay benkes.”

Yó ne hnatay tekuy, omin kuy mbot du elem tum sotu kokol nelem deng kti. Omin tekuy mon du deng nsék ógóf lóbô lem bnes. Hnénég te kun ke tahu yóm gel knahen.”

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Yó mon le, “Deng myó yóm tau gel kemna.

Hanà tolo mayuk Jusif, deng sana ton yó kem twoguhen ne gu laanen là deng kól bélê le, deng sana sensatul le yóm kmò khatay le du.

Olo ye tódô mbot du elem tum kokol ngelem deng kti bè yóm benwu laen hol wen tauhen. Bê kuy mom hensidek.” Yó gónón mon du yóm yó mò tô lanen hewà ke Jusif bélê le anì bud huléken ebè mà le.