Popular Bible Verses from Dwata 5

Share

Hol nadat ye mà ye ne yê ye. Ou se yóm sana kuy Dwata hol gónó mogot fen hmau du kuy nim ni anì hyu kógów klowil ye ne anì tahà ktau ye ta yóm tonok blayu kuy.

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le. Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Bê ye abay mò yó kem dwata lennged mkél bè yóm gel ton ye bè longit duhen ke te tonok duhen ke lemwót bè él.

Bê ye abay tmaba ebè yó kem dumu dwata, són ebéléu.

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Hol hetfing ye yóm Kdaw Kehegnô ne hol béen abay wen nulé ye bè yó kem dou hlolò kuy bè yóm kdaw yó. Ou se yóm sana kuy Dwata hol gónó mogot fen hlolò du kuy nim ni.

Hol bê ye abay nófô yehen kem dumu ye. Bê ye abay nófô gónóen duhen ke tonoken duhen ke kem heseken duhen ke kem safien duhen ke kem kudaen duhen ke yó kem dumu nfunen.’

Bê ye abay mdà yehen.

Bê ye abay tnifù kéng kem dumu ye.

Bê ye abay monok.

Bê ye abay mnagaw.

Hentulón ye nawa tehe ye ghesek bè Idyip se kuy. Yóm kehewà ye gu bè yóm benwu yó lemwót béléu yóm sana kuy Dwata hol gónó mogot, ne mlan bè yóm tey kegbeku ne kgisu. Yó se gónóhu hol hlolò du kuy yóm hlau bè Kdaw Kehegnô.

Wen nem kdaw ye mò nmò okóm bè yóm ghituhen kdaw, yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem duhen ke yó kem tau milo nô bè yóm kuy benwu, hol bê le abay mò nmò. Yó kem hesekem, hol le hegnô lómón yóm kóm kehegnô.

‘Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye ghesek.