Popular Bible Verses from Dwata 28

Share

Yó bud udél Musis ebè yó kem tau Israél, monen, “Ke hol nimón ye yóm sana kuy Dwata hol gónó mogot ne ke hteneb ye mimón du yóm kdê hlauhen deng tulónu kuy kemdaw ni, angat hegeta Dwata yu senta yó kem dumu but tau talak tonok.

Hol nimón ye yóm sana kuy Dwata hol gónó mogot anì ton ye yóm kdê tóbóngen kuy nii.

Yó nmò yóm sana kuy Dwata hol gónó mogot, là kô nmoen kuy tau mò halak bè dumu tau. Okóm yu yóm fen malak kul. Ke hteneb ye lemolò du yóm kdê hlau Dwata kuy deng tulónu kuy kemdaw ni tendo hyu kógów klowil ye ne laen kô gónón là deng ke wen nmò ye.

Sok gel kól bè yóm bulónen kmulón, angat gel hkulón Dwata eta yóm tonok ye lemwót gu bè longit ne tey kuyagen kuy bè kdê yóm gel nmò ye. Lemwót bè yóm kuyagen kuy yó, botong hutóng ye yó kem tey dê dumu bung tau bè dumu benwu. Okóm kuy, là kô ye na a mutóng.

Ke wen hohon ye mundug kuy angat hegmò Dwata yu bélê le. Bè yóm kundug le kuy, tek sotu lan lolò le. Okóm bè yóm klóy le mulék, tódô le gotu sekla.

Angat tnóbóng Dwata yu bè yóm gel kmò ye nmò ne angat tódô hennoken yóm fol ye. Angat tendo nuyagen yu ta yóm tonok blayen kuy.

Angat nuyag Dwata yu balù kihu gónó ye e solu, bè yóm hendu kógów ye ne bè yóm bud kkól ye.

Angat nuyag Dwata yu bè yó kem benwu gónó ye nô ne bè yó kem tonok gónó ye gel mò hulu.

Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Ke nimón ye yóm sana kuy Dwata hol gónó mogot ne ke gotu lolò ye yóm kdê hlauhen kuy, henbalingen yu mò hol kun tau lómón yóm deng fasaden kuy.

Angat tnóbóng Dwata yu anì tendo wen lem yó kem abì ye ne tendo wen lem kuleng ye.

Tey angat kehból Dwata kuy, angat hwenen safì ye ne tey angat kwen tebas ye ta yóm tonok deng tehe fasaden yó kem tehe fù ye mò blayen kuy.

Lemwót bè nim nmò Dwata bélê ye ni tódô kdê yó kem tau bè klamangen benwu angat gotu mton du yóm deng kélék Dwata kuy mò hol kun tau ne gotu le likò kuy.

Okóm hol bê ye tô là mimón ne hol bê ye abay lolò yó kem dumu dwata duhen ke tô ye tmaba ebélê le.

Okóm ke là nimón ye ke Dwata yóm sana kuy Dwata hol gónó mogot, ne ke là hteneb ye mimón du yóm kdê hlauhen tulónu kuy kemdaw ni, ngem kà angat glumfak ye du yóm tafak Dwata kuy.