Popular Bible Verses from 1 Kurin 13

Share

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón. Laen kô dù nmò tekuy mò gónó le myak kem dumu tekuy, ne là kô duil tekuy du yóm knóyô tekuy, ne là mahil tekuy meklit. Mlan bè yóm kesbong tekuy nawa, là kô snolò tekuy du ke wen mò sidek bélê tekuy.

Lemwót bè yóm kesbong tekuy nawa yó, gbek tekuy hembala du balù kihu sut bélê tekuy. Ne là kóen skó yóm kehtahu tekuy bè yóm gónó tekuy mogot, ne yóm tendo hendón tekuy béléen, ne yóm kanay nawa tekuy bè kem dumu tekuy.

Ke wen kesbong tekuy nawa, tey sidek keblat nawa tekuy ke wen sidek nmò kem dumu tekuy, okóm tey kehligal tekuy ke lolò le yóm ktahuhen.

Duhen ni, wen tlu yóm laen dù mtukul sónen, duhen yóm kehtahu tekuy bè Dwata, ne yóm hendón tekuy béléen, ne yóm kesbong tekuy nawa. Ne bè nim tlu ni, yó alì bong muhen, duhen yóm kesbong tekuy nawa.

Yóm kesbong nawa, laen kô dù mtukul sónen. Okóm angat wen sónen yóm khulung tmugod ke Dwata. Senged snéen yóm khulung mudél ebè Dwata bè tólóng udél, angat wen sónen se yó. Ne yóm alì ketngón tau, bud wen sónen snéen yó.

Baluen ke hulunge mudél yóm kul udél yó kem dumu tau te tonok, ne baluen ke hulunge mudél yóm kul udél yó kem hógów Dwata gu bè longit, tedu se bang gónóhen e kól yóm kenhulungu yó ke là bong nawahu kem dumuhu? Hol lómón yóm uni blówón duhen ke uni blanting laen kô dù mdengen bnoluyen.

Baluen ke wen khulungu tmulón yóm Udél Dwata, ne baluen ke tódô ket du yóm deng dnalangu, ne ke deng tódô tngónu yóm là deng tngón le du kem dumu tau, ne baluen ke tódô gbeku hdó bulul lemwót bè kehtahuhu bè Dwata, okóm ke là bong nawahu kem dumuhu, tedu se bang gónóhu e kól du?

Ne baluen ke tódô gotu himot blayu kdéen kendengenu bè yó kem tau élél, ne baluen ke tódô bayà hkekebu yóm dou lówó lanu lemolò ke Jisas, tedu se bang ofolu du ke là bong nawahu kem dumuhu?

Bè yóm hanà tehe kegenu ngà, tolohe kudél ngà ne knawa ngà, ne kehedem ngà. Okóm nim deng ktuhahu, laen kô dù bud muhu du ne yóm tehe kmou yó.