Popular Bible Verses from 1 Kurin 14

Share

Abay se là kô nóyô Dwata du yóm mudél seblang sok tekuy stifun. Hyu ke na tekuy gel stufì sok kuy mudél anì menek kegnóm tekuy du. Wen sotu gel hlolò me bè yó kem tau hemtahu bè Dwata bè yó kem dumu benwu gbak ebè yó kem libun.

Duhen yó, hol dnalang tekuy dé yóm kesbong nawa. Hol sen-galu tekuy snéen yóm dumu kenhulung blayen tekuy yóm Tulus Dwata, sélétem mon yóm khulung tmugod ke Dwata.

Okóm tólóng kun yóm tau gel tmugod yóm udél Dwata, abay se tódô mudél ebè kem dumuhen tau. Bong wen gónón tmóbóng kul, ne wen gónón gemduf kul, ne bud wen gónón hemyu nawa le snéen.

Yóm tau tódô mudél ebè Dwata bè yóm tólóng udél, kaem olon yóm kun knô tnóbóngen. Okóm yóm tau gel tmugod yóm udél Dwata, gotu tnóbóngen yó kem dumuhen hemtahu.

Bélê ye se kuy, ke yó hol kóyô ye ke wen kenhulung blayen kuy yóm Tulus Dwata, yake hol sen-galu ye dé yóm kenhulung mò gónó ye tmóbóng kem dumu ye bè kehtahu le.