Popular Bible Verses from ROMA 15

Share

Hatalla te eka kaharap keton. Keleh Ie manyuang atei keton hapan kakare kahanjak tuntang kadamai awi keton percaya Dengae, uka awi kuasan Roh Hatalla keton sasar harap dengan Hatalla.

Kakare taloh je tarasurat huang Surat Barasih jete hapa majar itah. Basa auh ajar je inarima itah bara Surat Barasih mawi itah baketep tuntang abas sampai itah tau manaharep Hatalla.

Keleh Hatalla te je manenga kaketep atei tuntang ampong akan olon, mandohop keton uka keton belom dengan hinje atei, manumon sonto ain Kristus Yesus. Huang kahinjen atei pahari handiai tau haya-hayak manarima Hatalla, Bapa Tuhan itah Yesus Kristus.

Tagal te keleh kare pahari manarima sama arep dengan sanang atei sama kilau Kristus kea manarima keton uka manara Hatalla.

Tapi genep bitin itah musti manyanang atei kare paharin itah akan indu kahalap ewen, mangat kapercaya sasar mandahang.