Popular Bible Verses from ROMA 14

Share

Basa amon Hatalla marentah pambelom ije biti oloh, en je tau ie kumae atawa mihope, jete dia ie taloh je mambatang. Je mambatang iete oloh te manumon kahandak Hatalla, ateie sanang tuntang manarima kahanjak je inenga Roh Hatalla akae. Oloh je manempo Kristus tumon te, oloh te manyanang atei Hatalla, tuntang irega awi kare oloh beken.

Amon itah belom, itah belom akan Tuhan. Tuntang amon itah matei, itah kea matei akan Tuhan. Jadi, belom atawa matei, itah toh ain Tuhan.

Tagal te tintun kahandak itah musti harajur uka mampalembut kare taloh je mimbit kabuah tuntang mandohop sama arep itah.

Awi te ela itah manyalan sama arep itah. Tapi keleh manggau jalan uka keton ela mawi taloh je tau maningkes atawa mampalayang paharin keton je sama kapercayae.

Huang Surat Barasih aton inyurat, “Toto haliai,” koan Tuhan, “gagenep oloh kareh mahingkep manyembah Aku intu taharep-Ku; tuntang genep bitin oloh kareh mangaku je Aku toh Hatalla.” Jadi genep bitin itah musti mananggong kajarian kare gawin itah akan Hatalla.

Oloh je langena kapercayae keleh inarima dengan bahalap hong marak keton. Ela hakalawan dengan kare auh ayue.

Eweh kea pahari te sampai pahari musti mahakim jipen oloh beken? En jipen te manjato atawa mendeng, jete urusan ain tempoe. Tuntang amon jipen te mendeng bujur, jete awi Tuhan olih mampendeng ie bujur.